He Loves Me, He Loves Me Not

Matagal nang may gusto si Zyline kay Nick. Anim silang magkakabarkada kasali si Nick. Alam na ng lahat ang pagtatangi niya sa kaibigan maliban na lang yata rito.

Hindi niya alam kung manhid lang ito or talagang wala lang gusto sa kanya.

Si Brent ang pinaka-bestfriend niya sa lahat ng mga kaibigan niya at kahit hindi niya sinasabi rito ang nararamdaman kay Nick dahil sa hiya ay may pakiramdam siyang alam din iyon ni Brent.

Paano kung isang gabi ay hinalikan siya ni Brent at sinabing subukan nila? Hindi niya maikakaila ang kuryenteng naramdaman nang halikan siya ng kaibigan.

Pinagbigyan niya ito sa gusto nitong mangyari. Susubukan nilang maging sila pero palihim. Ngayon ay litong-lito na siya.

Sa pag-aakala ni Brent na si Nick pa rin ang gusto niya ay bigla itong umalis at hindi na nagpakita. Saka naman siya niligawan na nang tuluyan ni Nick.

Pero bakit sa halip na maging masaya at sa wakas ay napansin na rin siya ni Nick bilang babae ay si Brent na ang hinahanap ng puso niya?

Si Brent na hindi na nagparamdam sa kanya mula nung gabing muntik nang may mangyari sa kanila.